बैतडी । लगातारको वर्षाले पहिरोले सिल्लेगडा-कालागाउँ-पुर्चौडी सडक तीन दिनदेखि अवरुद्ध रहेको छ।
उक्त सडकखण्डअन्तरर्गत दोगडाकेदार गाउँपालिका-२ को डाँडाइजर भन्ने ठाउँमा पहिरो खसेको रौलेश्वर मावि कफलकोटका प्राधानाध्यापक नरेन्द्र भाटले जानकारी दिए।
गत मंगलबार पहिरो खसेको र लगातारको वर्षाले पहिरो खस्नेक्रम जारी रहेको छ। सडक अवरुद्ध हुँदा सवारीसाधन पूर्णरुपमा बन्द हुनुका साथै पैदल हिँड्नसमेत जोखिम भएको छ।
स्थानीयहरुले पहिरो पन्छाउन सम्बन्धित निकायलाई आग्रह गरेका छन्। रासस
