हेटौंडा । बागमती प्रदेशको मुख्यमन्त्रीमा इन्द्रबहादुर बानियाँ नियुक्त भएका छन्। मंगलबार बागमती प्रदेशका प्रदेश प्रमुख दीपक प्रसाद देवकोटाले बानियाँलाई मुख्यमन्त्री नियुक्त गरेका हुन्। १ सय १० सदस्यीय प्रदेशसभामा नेपाली कांग्रेस र नेकपा एमाले गरी ६४ जना सांसदको समर्थनमा बानियाँ मुख्यमन्त्री बनेका हुन्। कांग्रेस बागमती प्रदेशका सभापति बानियाँ बागमतीका छैटौँ मुख्यमन्त्री बनेका हुन्।
