काठमाडौं माघ, २–
धर्मगुरु भनिएका रामबहादुर बमजनविरुद्ध प्रहरीमा फेरि अर्को उजुरी परेको छ । तपश्वीको भेषमा अनुयायीको हत्या र बेपत्ता पारेको आरोप लागेका बमजनविरुद्ध यो पाँचौं जाहेरी हो ।
सर्लाहीको बागमती–१२ की २९ वर्षीया रिता बोट (माझी) बेपत्ता भएको भन्दै परिवारले जिल्ला प्रहरी कार्यालयमा जाहेरी दिएको हो । जिल्ला प्रहरी कार्यालय सर्लाहीले आश्रमबाट बेपत्ता भएको भन्दै आमा सुम्नीले जाहेरी दिएको बताएको छ ।
जाहेरीमा ०६६ सालमा गढीमाइ मेलामा गएदेखि बेपत्ता भएको उल्लेख छ । ‘त्यसभन्दा अघि बाराको हलखोरियास्थित बमजन आश्रममा उनी बसेके परिवारले जनाएको छ । जाहेरीमा उल्लेख भए अनुसार बम्जनले बली रोक्छु भनेर फरार हुँदाका बखत रिता बमजनसँगै थिइन् । जिल्ला प्रहरी कार्यालयले रीताको खोजविन सुरु भैसकेको जनाएको छ । बमजनको आश्रमबाट वेपत्ता भएको भन्दै यसअघि दुई जना आनी र दुई अनुयायी बाराका सुरेस आलेमगर र मकवानपुरका सञ्चलाल वाइबा वेपत्ता भएको भन्दै उजुरी परेको थियो ।
अनुयायी सञ्चलाल बाइबाको हत्या भएको भन्दै प्रहरीले सिन्धुपाल्चोकस्थित बमजन आश्रममा छापा मारेको थियो । त्यहाँ केही शंकास्पद सबुदहरु फेला परेको प्रहरी दाबी छ । यतिवेला प्रहरीले बमजन बसिरहेको भनिएको सिन्धुलीस्थित आश्रमलाई प्रहरीले अनुसन्धान गरिरहेको छ ।
