नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले एमसीसी अनुमोदन गरेर देशले निकाश पाएको बताएका छन् ।
शुक्रबारदेखि राष्ट्रिय सभागृहमा सुरु भएको पार्टीको केन्द्रीय कमिटी बैठकमा बोल्दै उनले यस्तो बताएका हुन्।
एमसीसी अनुमोदन नगरेको भए बर्तमान सरकार र गठबन्धन नरहने जिकिर गर्दै उनले एमसीसी अनुमोदन नगर्दा फेरी राजनितिक अस्थिरता र अनिश्चय आउने खतरा रहेको बताए ।
प्रचण्डले एमसीसीको संसदबाट भएको अनुमोदन स्वीकार गरेर अब चुनावतर्फ केन्द्रित हुन सबै केन्द्रीय सदस्यहरुसँग आग्रह पनि गरे।
आजबाट सुरु भएको केन्द्रीय कमिटी बैठक आगामी ३ दिनसम्म चल्नेछ । बैठकबाट केन्द्रीय पदाधिकारीको टुङ्गो लगाउने माओवादीले जनाएको छ ।
