काठमाडौं पुस, २१–
रासनबापत नगद नै दिन भनेपछि पनि सशस्त्र प्रहरीमा रासनमा हुने अनियमितता रोकिएको छैन । सिपाही–हवल्दारलाई लामो समय विदामा पठाएर रासनभत्तामा हाकिमले लिने गरेको सशस्त्र प्रहरी मुख्यालयको छाबविनमा खुलेको छ ।
रासन हिनामिना गरेको खुलेपछि दुई गुल्मपतिलाई कारबाही भएको सशस्त्र प्रहरीका प्रवक्ता डीआईजी सुरजकुमार श्रेष्ठले बताए । यो खबर आजको नयाँपत्रिका दैनिकमा छ ।
मुस्ताङको गुल्ममाा कार्यरत डिएसपी हरिबहादुर गुरुङ र खोटाङको गणमा कार्यरत डिएसपी धनबहादुर बानियाँमाथि कारबाही चलाइएको उनले बताए । दुवैलाई गुल्म गणपतिबाट हटाएर विभागीय कारबाही गरिएको हो ।
रासनभत्तामा अनिमितताको उजुरी बढेपछि प्रहरी प्रधान कार्यालयको विशेष टिम नै बनाएर बाहिनी, गण, गुल्म तथा बोर्डर आउटपोष्ट ९बिओपी० का प्रमुखमाथि कारबाही थालेको हो ।
