काठमाडौं पुस, २९–
काठमाडौँबाट बर्दियातर्फ जाँदै गरेको यात्रुवाहक बस दुर्घटना भएको छ । आइतबार बिहना धादिङको बेनी घाटरोराङ गाउँपालिका–९ हुग्दीपुल नजिकै भएको दुर्घटनामा ३१ यात्रु घाइते भएका छन् ।
इलाका प्रहरी कार्यालय गजुरीका अनुसार अत्यधिक गतिमा गुडेको बा २ ख ४६८३ नम्बरको बस मोडमा सडकमै पल्टिएर दुर्घटना भएको हो ।
घाइतेको बजारवासी प्रहरीले उद्धार गरी राजमार्ग सामुदायिक अस्पताल मलेखु, गजुरी प्राथमिक स्वास्थ्य केन्द्रमा उपचार भइरहेको छ । घाइतेमध्ये एक जनाको अवस्था गम्भीर रहेकाले थप उपचारका लागि काठमाडौँ पठाइएको छ । गाडीमा ४१ जना सवार रहेका थिए । दुर्घटनापछि केहीबेर राजमार्ग अवरुद्ध भए पनि अहिले सुचारु भएको छ ।
