नवलपरासी पुस, २९–
नवलपरासीमा छात्रालाई यौन दुर्व्यवहार गरेको आरोपमा एक शिक्षक पक्राउ परेका छन् । गैँडाकोट नगरपालिका–११, भेडाबारीमा रहेको मुकुन्दसेन बोर्डिङ स्कूलका प्रधानाध्यापक राजेन्द्र पौडेल छात्रामाथि यौन दुर्व्यवहार गरेको उजुरीको आधारमा पक्राउ परेका हुन् ।
उनीमथि कक्षा १० मा पढ्ने छात्रामाथि दुर्व्यवहार गरेको आरोप छ । छात्राको संवेदनशील अङ्गमा पौडेलले हात पुर्याएपछि पीडित छात्राले अभिभावकलाई जानकारी गराएसँगै घटना बाहिर आएको थियो । छात्रा एसइई परीक्षाको तयारीका लागि कोचिङ कक्षा लिइरहेकी थिइन् ।
उजुरी परेपछि पौडेललाई पक्राउ गरी इलाका प्रहरी कार्यालय गैँडाकोटमा राखिएको छ । प्रहरीका अनुसार पौडेलमाथि थप अनुसन्धान भैरहेको छ ।
