बारा-
नेपालमा मोटरसाइकल चोरेर भारतमा लाने धन्दामा सम्लग्न तीन जना भारतीय नागरिक पक्राउ परेका छन्।
बिहीबार बेलुका बारा कलैया उपमहानगरपिलका १ मा पार्किङ गरी राखेको बा ५९ प ८७०९ नम्बरको सुपर स्पलेन्डर मोटरसाइकल चोरी गरी भारततर्फ भाग्दै गर्दा उनीहरु पक्राउ परेका हुन्। बाराकै सुवर्ण गाउँपालिका ७ बडकीफूलबरिया स्थित सडकबाट पक्राउ पर्नेमा बिहार पूर्वी चम्पारण थाना दारपा ग्राम पिपराका रामनरेश प्रसाद कुशवाहा, एस र टी (प्रहरीले दिएको नाम) पक्राउ परेका हुन्।
चोरी भएको मोटरसाइकलसहित उनीहरुलाई चोरी कसुरमा बारा जिल्ला अदालतबाट दिन ७ को म्याद लिई थप अनुसन्धान भइरहेको प्रहरी चौकी बडकीफूलबरियाले जनाएको छ।