मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

सहायक रथी ढकालले सम्हाले नेपाली सेनाको प्रवक्ताको जिम्मेवारी



काठमाडौं पुस, २६–
नेपाली सेनाको प्रवक्ताको जिम्मेवारी सहायक रथी याम प्रसाद ढकालले सम्हालेका छन् ।

बिहीबार निर्देशनालयमा आयोजित कार्यक्रममा सहायकरथी गोकुल भण्डारीले ढकाललाई कार्यभार हस्तान्तरण गरेको निर्देशनालयले जनाएको छ ।

नेपाली सेनाले सहायक रथी ढकालको कार्यकालमा नेपाली सेना र आमसञ्चार जगतबीचको सम्बन्ध अझ थप प्रगाढ एवं सुमधुर हुनुको साथै आमसञ्चार जगतको सहयोग यथावत रहिरहने विश्वास लिएको जनाएको छ ।

सैनिक प्रवक्ताको जिम्मेवारी निर्वाह गर्ने सिलसिलामा सहायक रथी भण्डारीले आमसञ्चार जगतका सबै मिडिया हाउस, प्रकाशक, सम्पादक तथा बिशेषगरी रक्षासँग सम्बद्ध पत्रकारहरुबाट प्राप्त सद्भाव, शुभेच्छा र सहयोगका लागि आभार प्रकट गरेका छन् ।

सूचना अधिकारी तथा सैनिक प्रवक्ताको कार्यकाल सफलतापूर्वक सुसम्पन गरी आफ्नो कार्यभार नवनियुक्त सैनिक प्रवक्तालाई हस्तान्तरण पश्चात भण्डारी आजै नेपाली सेनाको अत्यन्त महत्वपूर्ण तालिम शिक्षालय सैनिक प्रतिष्ठान खरिपाटीमा शिक्षाधिकृतको रुपमा जानेछन् ।

प्रकाशित मिति : २६ पुस २०७५, बिहिबार  ६ : ४४ बजे