काठमाडौं पुस, २९–
त्रिभुवन विमानस्थलको गेटबाट सुनसहित एक युवक पक्राउ परेका छन् । धनकुटा घर भइ काँडाघारी बस्दै आएका २८ वर्षीय समिर श्रेष्ठलाई काठमाडौं प्रहरी परिसर, टेकुले पक्राउ गरेको हो । उनी २५० ग्राम सुन र ४१ हजार रुपैयाँ नगदसहित पक्राउ परेको प्रहरीले जनाएको छ ।
श्रेष्ठले यूएई, कतार लगायतका मुलुकबाट फर्किने कामदारसँग प्रतिव्यक्ति ५०/५० ग्राम सुन ल्याउन लगाउने गरेको प्रहरीको भनाइ छ । त्यसवापत उनले प्रतिव्यक्ति ६ हजार रुपैयाँ दिने गरेको समेत खुलेको छ । उनी विमानस्थलको गेटमा सुन संकलन गर्दै गर्दा समातिएका हुन् । श्रेष्ठकोबारेमा थप अनुसन्धान भैरहेको प्रहरीले जनाएको छ ।
२९ पुस २०७५, आइतबार
0
Shares